المتحف البريطاني واكل حقنا.. ازاي الآثار الفرعونية وصلت هناك؟

بعد ما ضبطوا مهرب آثار في مطار "جون إف كينيدي" في نيويورك، طلع له صلة بتمثال مصري قديم موجود في المتحف البريطاني.

الحكاية دي خلت الناس تنتقد المتحف البريطاني من جديد، وتسأل عن مصدر المقتنيات اللي عنده.

وبالمناسبة.. التمثال ده، اللي اشتراه المتحف بسعر زهيد جدًا 400 دولار فقط"، بيتميز بملامح غريبة وأشهرها عينيه الكبيرة الحزينة.

والمتحف بيقول إن التمثال اتنقل من القاهرة لبروكلين سنة 1948، وإنه كان جزء من مقتنيات عائلة "الدرير".

بس الخبراء شككوا في القصة دي.. وخبير الآثار البريطاني بول بارفورد، أكد إن الوثائق اللي بتبين ملكية التمثال ممكن تكون مزورة، وإن المتحف كان المفروض يتأكد أكتر قبل ما يشتري.