هنا الزاهد :مفيش حد هيدخل حياتي إلا لو عارفة إنه صح أوي

كشفت الفنانة هنا الزاهد عن الاسباب التي غيرت شخصيتها بشكل كبير بعد انفصالها عن زوجها السابق قائلة:" اكتشفت إني لازم أحافظ على قلبي جدا، وهيبقى صعب جدا حد يدخل حياتي.. عارف لما تبقى قلبك اتكسر أوي، هو حصل له كده، رممته لوحدي وأهلي كإنهم رمموني ووقفوني على رجلي، بس بالليل وإنت نايم لوحدك بتبقى لوحدك ومفيش حد هيدخل حياتي إلا لو عارفة إنه صح أوي".

احتفظ بالكثير من الذكريات الجميلة 

وأضافت هنا الزاهد خلال حوارها مع الإعلامي أنس بوخش إنها تحتفظ بالكثير من الذكريات الجميلة عن والديها قبل انفصالهما، قائلة "أفتكر ذكريات كتير، كانت علاقتهم حلوة جدا، وانفصلوا بطريقة راقية جدا لما حسوا إنهم مش مناسبين لبعض، وحتى الذكريات اللي فاكراها لهم حلوة، والذكريات الحلوة بتوجع أكتر من الذكريات الوحشة" .

جوز ماما الله يرحمه عوضني

وتابعت الفنانة هنا الزاهد: "جوز ماما الله يرحمه عوضني لكن عمره ما يبقى بنسبة 100 % ومخي كان كبير جدا على سني ".

يذكر أن  الفنانة هنا الزاهد انتهت من تصوير أحدث اعمالها السينمائية فيلم « The Seven Dogs»بطولة كريم عبدالعزيز و أحمد عز، وتجسد هنا شخصية خطيبة أحمد عز ضمن أحداث العمل، ومن المقرر عرضه ضمن موسم عيدالاضحي المقبل .

تفاصيل فيلم « The Seven Dogs»

الفيلم من بطولة أحمد عز وكريم عبد العزيز وتارا عماد وسيد رجب قصة تركي آل الشيخ وتأليف محمد الدباح وإخراج المخرجين العالميين Adel و Belal الذين كان اخر اعمالهما Bad boys 3.

تعاون جديد بين أحمد عز وكريم عبد العزيز

ويعد فيلم "The Seven Dogs" هو التعاون الثاني الذي يجمع بين أحمد عز وكريم عبد العزيز بعد 3 سنوات من تعاونهما لأول مرة في فيلم «كيرة والجن» من بطولة أحمد مالك وسيد رجب وهند صبري وعلي قاسم من تأليف أحمد مراد وإخراج مروان حامد.

أوضحت هنا الزاهد أنها بقيت على تواصل مع والدها بعد انفصاله عن والدتها قائلة: "هو كان مبيكلمنيش كتير لكن بيسأل عني على فترات وعنده عيلة ومشغول بيهم، وأول مرة كلمني مكالمة طويلة ساندني وقال كده أحسن ليكي، وفضلنا على تواصل على فترات".