أحمد شوبير ردًا على تصريحات ميدو: «زيزو من حقه يوقع لأي نادي»

خرج أحمد شوبير، حارس مرمى الأهلي ومنتخب مصر السابق، عن صمته ورد بشكل صريح على تصريحات أحمد حسام ميدو، نجم الزمالك الأسبق، بخصوص محاولات الزمالك لضم نجوم الأهلي خلال الفترة القادمة.

وقال شوبير في برنامجه الإذاعي: "ميدو صرح إنه معاهم شيكات مفتوحة لضم لاعيبة الأهلي، وفي اتنين لاعيبة من الأهلي كلموه".

وأضاف ساخرًا: "كويس، ضمهم وخلاص، هو الكلام بيرد على نفسه والأمر أبسط من كده بكتير".

ومع اشتعال الساحة الكروية بسبب أنباء انتقال أحمد سيد زيزو للأهلي، قال شوبير: “مش هيتكلم تاني عن الموضوع، لأن مفيش تفاصيل جديدة تستاهل الضجة دي كلها”.

وأكد شوبير أن زيزو لاعب محترم ومؤدب ومن أفضل لاعيبة مصر دلوقتي، قائلا: "لحد اللحظة مفيش أي خطوة رسمية جديدة بخصوص مستقبله، ومن حقه يوقع لأي نادي، وزي ما الأندية من حقها تفتح معاه مفاوضات، كل ده طبيعي جدًا في عالم الاحتراف".