اعترافات المتهمين بالتنقيب في الزيتون: "كنا عاوزين نطلع على وش الدنيا"

نجحت الأجهزة الأمنية بمديرية أمن القاهرة في ضبط 6 أشخاص، لأحدهم معلومات جنائية، أثناء قيامهم بأعمال الحفر والتنقيب غير المشروع عن الآثار داخل أحد العقارات بمنطقة الزيتون.

اعترافات المتهمين بالتنقيب عن الآثار

بمواجهة المتهمين، اعترفوا تفصيليًا بارتكاب الواقعة، مؤكدين اتفاقهم على تنفيذ أعمال الحفر داخل العقار بعدما وردت إليهم معلومات عن وجود آثار فرعونية أسفله، وأن الطمع في المكسب السريع كان الدافع الرئيسي وراء جريمتهم.

قال المتهم الأول: "سمعت من واحد صاحبي إن فيه بيت قديم في الزيتون تحته آثار فرعونية، ولما حكيت لباقي المجموعة، قررنا نخوض المغامرة، وجهزنا كل حاجة وبدأنا الحفر من أسبوع تقريبًا"، مستطردًا: "كنا عاوزين نقب على وش الدنيا".

واعترف المتهم الثاني قائلًا: "أنا عندي خبرة في الحفر لأنني اشتغلت قبل كده في مواقع بناء، فجهزت العدة اللازمة، وفعلاً قدرنا نوصل لعمق كبير جوه الأرض، وكنا بنشتغل بالليل علشان محدش يحس بينا".

وأضاف الثالث: "مكناش فاكرين إن الحكومة هتوصل لينا، كنا بنحفر بحذر، لكن واضح إن في حد بلغ أو شك في اللي بنعمله، وفجأة لقينا الشرطة فوق راسنا".

أما المتهم الرابع فقال: "كنت فاكر إن اللي بنعمله مش خطر أوي، بس لما اتقبض علينا حسيت بحجم الغلط، وكان نفسي نلاقي تمثال أو قطعة أثرية نبيعها ونكسب منها".

وقال المتهم الخامس في اعترافاته: "مكنتش متأكد إذا كان فيه آثار فعلاً، بس لما شفت الحماس في عيونهم صدقت، وقلت أجرب حظي معاهم يمكن ألاقي كنز يغير حياتي".

وختم المتهم السادس حديثه قائلًا: "دي أول مرة أعمل حاجة زي دي، وندمان، ولو رجع بيا الزمن مكنتش وافقت".

بدورها، نجحت الأجهزة الأمنية في ضبط أدوات الحفر بحوزة المتهمين، وبالعرض على النيابة العامة، أمرت بحبسهم 4 أيام على ذمة التحقيقات.