"سرقوا سُترة العترة مني".. فريدة سيف النصر تهاجم صُناع "العتاولة 2"

وجهت الفنانة فريدة سيف النصر، رسالة قاسية لصناع مسلسل "العتاولة 2"، بعد استبعادها بشكل غريب من الجزء الثاني، الذي يعرض خلال شهر رمضان 2025، وشنت هجوما حادًا على كل من شارك في ظلمها، على حد قولها.

قالت فريدة، خلال حوارها ببرنامج وشك مكشوف على قناة هي: "أنا تعبت علشان أحضر للدور، وفجأة لقيت حد تاني غيري بيقدمه"، متابعة: "سرقوا مني شخصية سُترة".

وأضافت: "أنا مش زعلانة على نفسي، أنا خايفة على اللي ظلموني، لأني عمري ما ظلمت حد، ومش هشتغل مع أحمد خالد موسى تاني.. خلصت".

كواليس تصوير العتاولة
وكشفت فريدة سيف النصر كواليس جديدة عن تصوير الجزء الأول: "كانوا بيخلوني قاعدة 7 أيام من غير تصوير، والشباب الصغيرين اللي في المسلسل كانوا بييجوا يطبطبوا عليا عشان كانوا حاسين بيا، لكن في النهاية مجهودي اتسرق ومش مسامحة، لأن أنا اللي سميت سترة العترة.. والشخصية دي بنتي خدوها مني".

وأشارت إلى أنها كانت صاحبة الفكرة الأساسية للشخصية، وأنها شعرت بالظلم بعد استبعادها من العمل.

وهاجمت الفنانة مخرج العمل أحمد خالد موسى، قائلة: "لو مخرج شاطر كان طلع من الفسيخ شربات"، مؤكدة أنها تستطيع تقديم أدوار صعبة ومركبة بمهارة، وأنها كانت قادرة على منح الشخصية أبعادًا لم يكن ليحققها أي بديل آخر.