نعمة من ربنا.. سامح حسين يكشف للجمهور حقيقة طلبه إلغاء إجازت الأعياد

رد الفنان سامح حسين، على ما تم تداوله على السوشيال ميديا، بمطالبته بإلغاء الإجازات في الأعياد، حيث أثار ذلك الجدل على السوشيال ميديا.

وقال سامح حسين على صفحته على موقع التواصل الإجتماعي "إكس": "جمهوري الحبيب كل سنة وأنتم طيبين وبخير، بناء على طلبكم، والناس اللي طلبت تفسير لموضوع إني بطالب بإلغاء الإجازات في الأعياد، الكلام ده طبعا غير حقيقي بالمرة".

وتابع سامح حسين: "أنا زيكم بحب الإجازة وبحب زيكم اشتغل بإخلاص زي كل واحد في مجاله، الإجازة دي نعمة من ربنا نشحن من خلالها قوتنا لمواصلة مشوار الحياة، وكل الموضوع إني اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دي كلها إجازة".

واستكمل سامح حسين: "لكني لم أقصد أبدا إلغاء الإجازات الرسمية، وعلى فكرة إحنا بنحب الإجازة علشان بنشتغل، وأي حد جرب قلة الشغل مش هيحب الإجازة، الشغل نعمة ربنا يديمها علينا ويعين كل واحد على حاله ويكرمنا جميعًا ويرزقنا الخير، ويارب حياتكم تكون كلها أعياد وفرحة".